رملچہ ــــــــ آمادہ ــ

ـ 

8/3/2018 ـ

ـ شے سید ـــ

اَے دریگت ایں

منی جسم ءِ تمامیں جوڑ ءُ آزا سوچگی دار بہ بوتین اِت اَنت

دانکہ بزگریں انسانانی شد ءِ اوپار چو مومءِ کترہ آں  ھلاس بوھان بہ بنت

ما اِے ھاترا وتی جسم ءِ آزا آمادہ نکتگ اَنت کہ بھا بہ بنت

ءُ نئے کہ کبرے ءِ میراس جوڑ بہ بنت

مارا چہ ازل سُچگ ءِ آدتے گون

ما اِے ھاترا رُوک بوھگ لوٹ اَیں

داں کہ جھندم ءِ آس ءِ ھمک رَگانی تھا مئے جبین ءِ بُو یے چِست بہ بیت

ءُ تی تجّلیانی نہ سوزیں برانز دربئیت

گڑا ھمے سُچگ  مارا لزّتے دات کنت

ھما لزّت کہ وشیں وابانی تھا ابدمان بنت

مارا نوں سُچگ ھرھال ءَ دوست بیت

پمشکہ ما وتی جسم ءِ تمامیں جوڑ ءُ آزا پہ سوچگ ءَ گیشّینتگ اَنت