ــ ﺭﻣﻠﭽﮧ ــ ﺍﺭﻭﺍﮦ ﺀِ ﺍﻣﺒﺎﺯ

ـ

ﺷﮯ ﺳﯿﺪ

ﺍﮮ ﺯﻧﺪﮔﯽ ﺀِ ﮬﻤﮏ ﺑﮯ ﺗﻮﺍﺭﯾﮟ ﺭﺍﺯ ﭼﻮ ﭼﺮﺍﮒ ﺀَ ﮬﺎﻣﻮﺵ ﺑﮧ ﺑﻨﺖ

ﯾﺎ ﭼﻮ ﺁﺱ ﺀَ ﺗﮭﻨﺎﺋﯿﺎﻧﯽ ﭘﺮﯾﺎﺕ ﺑﮧ ﺑﻨﺖ

ﮔُﻮﺷﺪﺍﺭﻭﮎ ﮐُﻮﺭ ﺍَﻧﺖ ﺀُ ﮔِﻨﺪﻭﮎ ﮔُﻨﮓ

ﺍِﮮ ﺳﻤﺎ ﺀِ ﺑﻨﺪﯾﮟ ﺩﺭﯾﮓ ﺀِ ﮔُﮉّﯼ ﺗﺎﮎ

ﻭﺭﻭﮐﺎﻧﯽ ﻻﭖ ﺍِﻧﺖ ﺀُ ﻣﻨﯽ ﺯﮔﺮﯾﮟ ﻟُﻮﭦ

ﮐﮧ ﻣﻦﺀَ ﺳﺎﮦ ﺑﮑﺸﯿﮟ ﮔﻮﺍﺕ ﺑﮑﺶ ﺍﯾﺖ ﺀُ ﺗﺮﺍ ﻭﺷﺒﻮﺋﯿﮟ ﺭُﮊﻥ

ﻣﻦ ﺑﮯ ﺯُﺑﺎﻧﯿﮟ ﺁﺱ ﺀَ ﺍﮐﺴﮯ ﻣﺎﺭﮒﺀَ ﺁﮞ

ﺀُ ﺗﻮ ﺗَﮧ ﮐُﺸﯿﮟ ﺗُﺮﺳﮯ

ﻣﻦ ﻟﻮﭨﺎﮞ ﮐﮧ ﺍﮮ ﺁﺱ ﺀِِ ﺍﮐﺲ ﺀَ ﮔﻮﮞ ﺍﺭﺳﺎﮞ ﺑﮧ ﺗﻮﺳﯿﻨﺎﮞ

ﺀُ ﺗﻮ ﻟﻮﭦ ﺋﮯ ﮐﮧ ﺁﺱ ﺀِ ﺍﮐﺲ ﺀَ ﻋﺒﺎﺩﺕ ﺑﮑﻦ ﺋﮯ !

ﮬﺮ ﺗﭙﺎﻭﺗﮯ ﺀِ ﮬﺎﮐﻤﯿﮟ ﭘُﺸﺖ ﺩَﺭﮮ ﺀَ ﺁﺳﻦ ﺍﯾﮟ ﺩﻧﯿﺎ ﺀِ ﺯﻣﺰﯾﻞ ﮔُﻠﻤﯿﮧ ﮐﺘﮓ ﺍَﻧﺖ

ﺍﮮ ﺯﻣﯿﺰﯾﻞ ﻣﺎ ﮬﻮﻧﺎﻧﯽ ﮔﻮﻣﺎ ﺭُﻭﺩﯾﻨﺘﮓ ﺀُ ﻣﺰﻥ ﮐﺘﮓ ﺍَﻧﺖ

ﺑﻠﮯ ﺍﮮ ﺗﮩﻠﯿﮟ ﮔﻮﺍﭼﻨﯽ ﺀَ ﮬﻢ ﻣﺎ ﺳﺮﭘﺪ ﺑﮧ ﺑﺌﯿﮟ

ﮐﮧ ﻣﺌﮯ ﺗﻼﺭ ﺗِْﺮﻧﺰُﻭﮐﯿﮟ ﮬُﻮﻧﺎﻧﯽ ﭘﺎﮬﺎﺭﺍﮞ،

ﺯﻧﮉ ﺯﻧﮉﯾﮟ ﺯﻣﺰﯾﻞ ﮬﻢ ﺁﭖ ﮐﺘﮓ ﺍَﻧﺖ

ﻣﻨﯽ ﻣﺎﺭﮒ ﭘﮧ ﻣﻨﯽ ﺑﺎﻃﻦ ﺀَ ﺁﻧﺴﺘﻮﻧﮑﯽ ﻣﺎﺭﮮ ﺟﻮﮌ ﮐﻨﺖ

ﺀُ ﺗﺊ ﺟﯿﮍﮒ ﭘﮧ ﻣﻨﯽ ﺭُﻭﭼﯿﮟ ﭘﮕﺮﺍﮞ ﺷﭙﯿﮟ ﺷﺎﺭﮮ

ﺑﮯ ﺷﻤﺎﺭ ﻣﺠﮕﺎﻧﯽ ﺍﻧﺪﺭﺍ ﺑﮯ ﺷﻤﺎﺭ ﺟﻨّﺖ ﺍﯾﮟ ﺟُﺴﺖ ﺍَﺳﺖ

ﺑﮯ ﺷﻤﺎﺭ ﭘﺴﮧ ﺁﻧﯽ ﺭﺳﮓ ﺀَ ﺭَﻧﺪ ﮬﻢ ﺑﮯ ﮐﺮﺍﺭ ﺍَﻧﺖ

ﮐﮧ ﺍﻧﺴﺎﻥ ﭼﯽ ﯾﮯ، ﺍﺭﻭﺍﮦ ﭼﯽ ﯾﮯ، ﺀُ ﺯﻧﺪﻣﺎﻥ ﭼﯽ ﯾﮯ !

ﮐﺴﮧ ﺁﻧﯽ ﺯﮔﺮﯾﮟ ﺩﭘﺘﺮﺍﻧﯽ ﺍﺳﭙﯿﺖ ﺍﯾﮟ ﺗﺎﮐﺎﻧﯽ ﺗﮧﺀَ ﭼﯽ ﻧﺒﺸﺘﮧ ﺑﻮُﮬﺎﻥ ﺑﯿﺖ

ﻣﻦ ﺩﮔﮧ ﭼُﻨﺖ ﮐﺴﮧ ﺩﺭﺑﮧ ﺑﺮﺍﮞ،

ﭘﮧ ﺗﺊ ﮐﺎﺯﻣﺎﺱ ﺀِ ﮬﺴﺘﻮﻣﻨﺪﯼ ﺀِ ﺯﻧﺪﮒ ﺑﻮﮬﮓ ﺀَ؟

ﻣَﺮﮒ ﺀِ ﺯﮬﺮﺷﺎﻧﯽ ﺀِ ﺁﺟﻮﺋﯿﮟ ﺗﻤﺎﮦ ﺀِ ﻟﻮﭨﻮﮐﺎﻧﯽ ﺑَﺰﯾﮟ ﻟﮍ

ﭘﺮﮮ ﮔﭗّﺀَ ﻣﻨّﮓ ﺀَ ﺳﺎﺟﻮ ﻧﮧ ﺑﻨﺖ ﮐﮧ ﺯﻧﺪ ﭘُﻮﭼﮑﮯ

ﺯﻧﺪﮔﯽ ﺑﮭﺎﺭﺍﻧﯽ ﺷﺎﺩﻣﺎﻧﯽ ﺀِ ﻣﺎﻧﺰﻣﺎﻥ ﺍِﻧﺖ

ﺯﻧﺪﮔﯽ ﺍﺟﮕﯿﮟ ﭘُﻼﻧﯽ ﻭﺷﺒﻮﮬﺎﻧﯽ ﺳﺒﺰﯾﮟ ﻣﯿﺘﮕﮯ

ﮐﮧ ﺗﮭﻨﺎ ﻭﺷﺒﻮﺁﻧﯽ ﮬﯿﺎﻝ ﮔﺎﺭﯾﮟ ﻟﺰّﺗﮯ

ﺑﻠﮯ ﭼﮧ ﺍﻧﺪﺭ ﺀَ ﮬُﻮﺭﮐﯿﮟ ﻟﻮﮔﮯ

ﮬﻤﮯ ﻟﻮﮔﺎﻧﯽ ﮈﻧّﯽ ﻧﺪﺍﺭﮔﺎﻧﯽ ﻟﺌﯿﺒﻮﺁﮞ،

ﮬﻤﮏ ﺑﻨﯽ ﺁﺩﻣﺎﻧﯽ ﺩﻝﺀِ ﻭﺍﮬﺸﺖ ﺩﺳﺖ ﺟَﺘﮓ ﺍَﻧﺖ

ﮔﻮﮞ ﻭﺍﺑﯿﮟ ﻭﺍﮬﺸﺘﺎﮞ ﺗﻮﺍﺯﯼ ﮐﺘﮓ

ﮬﻤﮯ ﻭﺍﮬﺸﺖ ﮔﻮﮞ ﮬﻮﻧﺎﮞ ﻣﯿﻨﺘﮓ ﺍَﻧﺖ ﺀُ ﺟﮩﺎﻥ ﺩﭘﺘﺮ ﺀِ ﺁﺯﻣﺎﻧﯿﮟ ﺗﺎﮐﺎﻧﯽ ﺳﺮﺍ

ﺍﻧﺴﺎﻧﺎﻧﯽ ﻻﺯﻭﺍﻟﯽ ﺀِ ﻧﮑﺶ ﮐﺸّﮓ ﺑﻮﺗﮓ ﺍَﻧﺖ

ﺀُ ﺯﻣﯿﻦ ﻧﻨﺪﺍﻧﯽ ﻭﮬﺪ ﭘﮧ ﮬﻤﮯ ﻟﺰﺕ ﺑﮑﺸﯿﮟ ﺗﻤﺎﺷﺎﺋﯿﺎﻧﯽ ﻭﮌﺍ ﮔﻮﺍﺯﯾﻨﮕﯽ ﺍَﻧﺖ

ﻣُﻮﺗﮏ، ﻧﺎﺯﯾﻨﮕﯽ ﺍَﻧﺖ